ಸಿದ್ದಾಪುರ: ತಾಲೂಕಿನ ಶ್ರೀಮನ್ನೆಲೆಮಾವಿನಮಠದಲ್ಲಿ ಶ್ರೀ ಮಾಧವಾನಂದ ಭಾರತಿ ಮಹಾಸ್ವಾಮಿಗಳ ಅನುಗ್ರಹದಿಂದ ಶ್ರೀ ಲಕ್ಷ್ಮಿನರಸಿಂಹ ಸಂಸ್ಕೃತಿ ಸಂಪದದ ಆಶ್ರಯದಲ್ಲಿ ಜರುಗಿದ ಭರತನಾಟ್ಯ ಹಾಗೂ ಸಂಗೀತೋತ್ಸವ ಮನಸೂರೆಗೊಂಡಿತು.
ನೂಪುರ ನೃತ್ಯ ಶಾಲೆ ಶಿರಸಿ ಇವರಿಂದ ವಿದುಷಿ ಅನುರಾಧಾ ಹೆಗಡೆ ಅವರ ಮಾರ್ಗದರ್ಶನದಲ್ಲಿ ಅವರ ಶಿಷ್ಯರಿಂದ ಭರತನಾಟ್ಯ ಹಾಗೂ ವಿನಾಯಕ ಹೆಗಡೆ ಹಿರೇಹದ್ದ ಸಂಗಡಿಗರಿಂದ ಸಂಗೀತ ಕಾರ್ಯಕ್ರಮ ಜರುಗಿತು. ಶ್ರೀ ಮಾಧವಾನಂದ ಭಾರತಿ ಮಹಾಸ್ವಾಮಿಗಳು ಕಲಾವಿದರಿಗೆ ಮಂತ್ರಾಕ್ಷತೆ ನೀಡಿ ಆಶೀರ್ವದಿಸಿದರು. ಜಿ.ಆರ್.ಭಾಗವತ್ ತ್ಯಾರ್ಗಲ್ ಕಲಾವಿದರನ್ನು ಸ್ವಾಗತಿಸಿ ಪರಿಚಯಿಸಿದರು. ವಿನಾಯಕ ಭಟ್ಟ ನೆಲೆಮಾವು ಕಾರ್ಯಕ್ರಮ ನಿರ್ವಹಿಸಿದರು.
